Апликацијата која ја одбравме да ја претставиме денес знае да биде особено корисна за сите оние што сакаат да знаат кои програми кога и на кој начин го трошат интернетот во позадина, односно без ваше знаење.
По инсталирање на алатката, добивате известувања во форма на десктоп нотификации или во форма на извештаи (помалку важни работи). Паралелно со ова, преку одделот Alerts добивате известувања за тоа што и како се трошело интернет додека не сте работеле на компјутерот. Па така, можете да дознаете дали некои програми се приклучувале кон непознати сервери или пак менувале одредени поставки во системот.
Најголемиот проблем со GlassWire е бизнис моделот кој стои зад наплатата. Имено, седум дена можете да ги користите сите опции, но по истекот на времето можете да се префрлите на основниот план кој чини 30 евра, а пак не ги отклучува сите опции.
Имајќи го ова во предвид, проверете ја апликацијата тука!
