From Darkness е невообичаена видеоигра во форма на документарец која ве става во центарот на конфликтите на источна Африка. Играјќи како белгиски новинар, играта ви приложува образовен коктел од аудио, видео и тродимензионално истражување кои би требало да ви помогне да ја најдете исчезната ќерка.
From Darkness е заснована на длабоко истражување во Кенија и Уганда, заедно со блиска соработка со невладините организации во Африка и потпомогнато од бројни интервјуа со жителите од тие предели. Резултатот од сево ова е над шеесет часа интервјуа и видео материјали кои допринесуваат до напнато и, пред се, интерактивно искуство во форма на документарец. Самиот гејмплеј систем е базиран на уметничката колаж техника која комбинира оригинални видео материјали, слики и звуци во мулти-димензионална околина.
„Играта“ е замислена да ви дозволи да истражувате и откривате слоеви од приказни, сеќавања, политички контексти и сонови. Ваквиот финален продукт е остварен од австриската група уметници, gold extra, кои се познати и по нивните други документарни игри како Frontiers, Totem’s Sound и Sole City, но и по бројни излагања низ европските музеи.
Бесплатно запливајте во оваа, малку поразлична авантура со кликнување на следниот линк!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
