После двете ужасни ситуации во Србија, какви што не се паметат во поновата историја на овие простори, се појавија видеа на друштвената платформа ТикТок, на кои што деца го имитираат пукањето во училиштето и го доживуваат како да е некоја видео игра или филм. Покрај видеата, можат да се забележат и коментари под видеата, на кои што дел од соучениците убиецот го доживуваат како некој херој. Кога се читаат коментарите, делува како ова да е некоја видео игра или филм, а не трагедија од големи размери.
Ваквите коментари по платформата допринесоа влијанието на ТикТок да се најде во центарот на вниманието и да се стави на маса предлогот за регулација или забрана на ТикТок и во Македонија, затоа што според многумина ситуацијата е алармантна. Според други, цензурата е ужасна работа.
Дали треба да се регулира или пак целосно да се забрани е моменталната жестока дискусија во општествените кругови, како и на ИТ форумот. Покрај Србија, алармот се вклучи и кај нас. Деновиве, МОН и останатите надлежни институции ги разгледуваат опциите за регулација на оваа социјална мрежа, а како главни причини се трагедиите во соседна Србија и неквалитетните содржини кои што кружат секојдневно на оваа социјална мрежа.
Ќе продолжиме со состаноци со институциите кои треба да проценат кои се потенцијалните ризици од употребната на тик-ток мрежата, какви материјали содржи и начинот како ја употребуваат учениците во основно и средно образование, соопшти министерот за образование и наука Јетон Шаќири.
Зошто ТикТок е толку популарен?
Алгоритамот на ТикТок е главниот виновник за популарноста на оваа социјална мрежа, па така алгоритамот одлучува што ќе му прикаже на корисникот следно, според:
- Видеата, кои што ќе ги лајкне и сподели,
- Профилите што ги следи,
- Видеата кои што ги креира,
- Видеата кои што ќе ги додаде во омилени,
- Задржано време на одредено видео.
ТикТок зема предвид колку време корисникот гледа видео, за да го смести типот на видеото на повисоко место во приоритетната листа на алгоритамот. Ако корисникот гледа видео до крај, тоа укажува на повисоко ниво на интерес, на што му се дава поголемо значење во алгоритмот. На овој начин се одредува интересот на корисникот и какви видеа да му се прикажуваат. Повеќе детали за што прикажува следно алгоритмот тука.
Забрана на ТикТок нема да биде ништо ново!
Во продолжение, табелата на држави кои што го имаат делумно или целосно забрането ТикТок.
| Држава | Дата кога е забранет | Тип на забрана |
| Австралија | Март 2023 | Делумна забрана |
| Ерменија | Октомври 2020 | Регулиран од владата |
| Азербејџан | Септември 2020 | Регулиран од владата |
| Франција | Март 2023 | Делумна забрана |
| Бангладеш | Август 2021 | Делумна забрана |
| Индонесија | Јули 2018 | Делумна забрана |
| Иран | / | Не е достапен |
| Естонија | Март 2023 | Делумна забрана |
| Холандија | Ноември 2022 | Делумна забрана |
| Велика Британија | Март 2023 | Делумна забрана |
| Белгија | Март 2023 | Делумна забрана |
| Норвешка | Март 2023 | Делумна забрана |
| Данска | Март 2023 | Делумна забрана |
| САД | Април 2023 | Делумна забрана |
| Индија | Април 2020 | Целосна забрана |
| Тајван | Декември 2022 | Делумна забрана |
| Авганистан | Март 2023 | Целосна забрана |
| Латвија | Март 2023 | Делумна забрана |
| Нов Зеланд | Март 2023 | Делумна забрана |
| Ирска | Април 2023 | Делумна забрана |
| Кина | / | Не е достапен |
Поради безбедносни причини и заштита на личните податоци, во следниве држави: САД, Австралија, Франција, Велика Британија, Белгија, Норвешка, Данска, Латвија, Ирска, социјалната мрежа е забранета на сите уреди кои што ги користат вработените во јавниот сектор. Во Ерменија и Азербејџан е регулирана од своите влади, поради конфликтот во Нагорно-Карабах. Додека пак во Индија и Индонезија забраната е поради несоодветна содржина. Друг интересен факт е тоа што ТикТок, како една од најпопуларните кинески апликации (можеби и најпопуларна по WeChat) не е достапна во Кина.
Наместо ТикТок, во Кина е достапна апликацијата Douyin, која што е апликација близнак на ТикТок. Разликата е тоа што Douyin има строги рестрикции, како блокирање на интернационална содржина и лимити за користење од страна на деца. Двете апликации се во сопственост на кинеската компанија Bytedance.
Темната страна на ТикТок
Извештајот од Центарот за борба против дигитална омраза (CCDH), објавен во декември 2022, откри дека ТикТок им препорачува содржина на самоповредување и нарушување во исхраната на некои корисници во рок од неколку минути откако ќе се приклучат на платформата. За да ја спроведат студијата, истражувачите создадоа профили на ТикТок кои се преправаат дека се 13-годишни деца заинтересирани за содржина за сликата на телото и менталното здравје. Наодите покажаа дека алгоритмот на ТикТок препорачува самоубиствена содржина уште 2,6 минути по придружувањето, а содржината на нарушувања во исхраната во рок од 8 минути. Студијата, исто така, идентификуваше 56 хаштагови на ТикТок со видеа за нарушувања во исхраната со над 13,2 милијарди прегледи.
Според The Wall Street Journal, ТикТок составил листа на корисници кои гледале LGBT содржина на апликацијата и ги следи. Оваа политика на работење наиде на протест од поранешните вработени. Апликацијата ги следи корисниците кои често гледаат видеа означени со клучни зборови како што се LGBT (лезбејки, геј, бисексуалци, трансродови).
Дополнително, тука се и опасните предизвици како вештачко пумпање на уста со вакумско вшмукување (познато и како Kylie Jenner Lips challenge) и еден куп други, достапни во секој момент поминат на социјалната мрежа, а голем дел од нив може и да завршат фатално за корисниците.
Сето ова укажува на тоа дека треба сериозно да се пристапи на овој проблем и институциите да ја превземат одговорноста, со цел надминување на истиот.
Дали треба да се забрани или регулира ТикТок во Македонија? Споделете го вашето мислење…
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
46 коментари
Loading new replies...
Јас сум против забрани. Не може на луѓето да им забраниш да бидат глупави.
Како прво за забрани се сложувам, но од друга страна поефикасна работа е да се филтрираат сите видеа кои се со експлицитни содржини како пример (чаленџери со глупави идеи задржи воздух 5 минути и после последици), и како такви да не се појават во етер на интернет, бидејќи несоодветно созреан мозок на малите деца мислат се е како во цртан филм ако можело тоа можам и јас викаат и после последиците сами идат... И плус секој родител мора да свати дека тоа е дете на кое мора да му посветите внимание повеќе, а не да го запоставите како некои зркнати во фејсбук или што ти знам гледаат да порачаат нешто од интернет ова она, а детето го оставаат со таблет или мобилен или на телевизор да гледа што ќе му текни затоа прво родителите да РАЗМИСЛАТ.
Сум прошол секакви социјални мрежи бидејќи го фатив и времето на нивниот подем.
mIRC, ICQ, Yahoo! Answers, Live Messenger, MySpace, Hi5, Twitter, Facebook, LinkedIn, 4chan, YouTube, Skype, Reddit, Flickr, Vine, Discord, Twitch, Tumblr, Instagram, prijateli.com.mk, top.mk
TikTok е најголемото срање од сите нив и претставува се што е погрешно со човештвото во 21-ви век, иако има доста конкуренција за таа „титула“.
Сум прошол секакви социјални мрежи бидејќи го фатив и времето на нивниот подем.
mIRC, ICQ, Yahoo! Answers, Live Messenger, MySpace, Hi5, Twitter, Facebook, LinkedIn, 4chan, YouTube, Skype, Reddit, Flickr, Vine, Discord, Twitch, Tumblr, Instagram, prijateli.com.mk, top.mkTikTok е најголемото срање од сите нив и претставува се што е погрешно со човештвото во 21-ви век, иако има доста конкуренција за таа „титула“.
Како стигна до заклучок дека ТикТок е најлоша мрежа од сите?
Јас сум против забрани. Не може на луѓето да им забраниш да бидат глупави.
Да ама некако со TikTok многу глупави луѓе доаѓаат до израз на интернетов.
Јас $hitTok би го карактеризирал како сајбер напад од Кина на остатокот од светов.
Имаше еден куп видеа каде е докажувано дека алгоритамот во Кина им сортира корисни видеа на TikTok, а во спротивно на остатоков од светов, поготово Америка, си врти глупави видеа, челенџи, простилук најпросто кажано.
Vine беше слично ако го паметите, али не беше вака токсично. Баш беше смешно. Не знам зошто ова сра*е со потполно иста идеа зема толкав замав.
Јас лично нема да плачам ако го забранат. Никој дома немаме акаунт. Иако општо не сум поборник на забрани и ограничувања.
Ама она што треба да се направи е да се модернизира образованието од корен. Почнувајќи од наставните програми и едукација на кадар, но и поактивно да ги вклучи и родителите.
Натрупан е само материјал кој едвај може да се стигне да се предаде на децата. Седење 7 часа во клупа и бубање на текст од книги па прераскажување на истото не вродува со плод. Развиениот свет одамна го надмина овој концепт. Мора да има многу повеќе време за разговор, градење на вистински вредности и социјализација.
Како стигна до заклучок дека ТикТок е најлоша мрежа од сите?
Опасна работа е тикток,јас го користам повеќе за да гледам билдери, вежбање и за компјутери,од друга страна нешто што неможеш да очекуваш во оваа апликација е што сите се глупираат,еве пример:
Мојата Колешка што неја познавам на тикток се глупираа,ја избришав таа глупа апликација не е добра,дури старите луѓе се рекламираат не личи на ништо.
