Приказната околу играта е дека група научници открива мистериозен сигнал од Вселената, а улогата на играчите е да го истражат мистериозната 3Д-база на податоци и да се откријат одговори. Во текот на играњето, играчите ќе добиваат траги преку фотографии, мапи, имејли, дијаграми, фантастични филмови, музика и документрарни филмови кои се споени во една приказна составена од 150 делови „растурени“ на 10 нивоа.

Најважниот дел од играта се всушност форумите каде играчите дискутираат за своите видување на настаните и за своите теории, а со ова добиваат пристап до заклучени делови на играта. Постовите кои добиваат најмногу позитивни критики ќе бидат наградувани и со тоа ќе се качуваат нагоре на листата.

„Приказната треба да БИДЕ играта – а тоа што недостасува е дека нашите приказни мора да бидат социјално поврзани… Ние сме онлајн генерација“, велат креаторите. „Сакавме да креираме нов вид на игра. Игра која е комбинација на динамичкото задоволство на играњето со емоции од филмовите и социјални односи. Игра каде корисниците се предизвикани да комуницираат, без притоа да има застој во приказната. Игра која размислува и се движи како нас – која може набрзина да ја поиграте или да поминувате цела ноќ, истражувајќи, опкужени од приказната, постојано поврзани.“

Играта најмногу наликува и е своевиден „alternate reality game“ слично на Regenesis која беше своевидна поддршка за истоимената серија, со тоа што таму приказната ги следи настаните од серијата, а тука сепак станува збор за следење на настаните од играта.

[youtube]IKBvEFSTdQs[/youtube]