Clay.io организира натпревар за изработка на HTML5 игри. Со насловот „Got Game?“, ги поттикнуваат сите студенти да развиваат HTML5 игри, а најдобрите ги очекува и богати награди. Победникот ќе добие 1.500 долари, Github medium план и Construct 2 лиценца.
Натпреварот започна на 5-ти март и трае до 5-ти април. Со оглед на тоа дека има поминато само три денови, сè уште има време и вие да се пријавите и да започнете со развој. Единствен услов е завршените игри да бидат пријавени на Firefox Marketplace и Clay.io Marketplace, а сите права ги задржува екипата што ја има развивано апликацијата.
Одлучувањето на победникот ќе се одвива во неколку фази, односно според бројот на играња на Clay.io, рејтинг од корисниците и од жири. Доколку сте спремни, пријавете се на http://clay.io/competition.
