Според првите најави играта започнува со напуштање на Земјата. Играчите ќе бидат во контрола на една од новите фракции и првите 50-60 потези ќе бидат оставени самите без средба со останатите фракции. Дел од тајните кои се откриени е дека играчот и противниците ќе можат да се трансформираат во роботи, што ќе донесе дополнителни проблеми кога играчот ќе ги прави своите одлуки. Уште позабавно како играта ќе одминува, дел од фракциите ќе се оддалечуваат од својата човечност па така и моралните проблеми со кои се соочува играчот ќе стануваат се поголеми. Дека играта е различна од претходникот ќе се чувствува уште во самиот почеток, кога играчот не само што ќе треба да ја избере државата која ја финансира вселенската мисија, ќе треба да ги избери и вселенскиот брод, колонистите и дури резервите кои ги носите со вас. Како и досега играчите ќе можат да одберат и различни начини на кој ќе можат да победат и да ја завршат играта.

Без сомневање Civilization: Beyond Earth како и останатите наслови кои доаѓаат под „патронат“ на Сид Маер ќе не остават залепени со часови, недели па дури и месеци, само да изиграме уште еден „последен“ потег.