Читањето на содржини онлајн понекогаш е вистински предизвик земајќи во предвид дека околу содржината во многу случаи се наоѓаат анимирани банери, линкови и други работи кои го одземаат вашето внимание.
Evernote, компанијата која е позната по својот софтвер за организација на содржини, забелешки и линкови, се чини дека го пронајде решението на овој проблем преку новата алатка Evernote Clearly.
Clearly ви овозможува со еден клик да се ослободите од сите објекти околу содржината и да го прочитате постот или написот на раат.
Evernote Clearly работи на тој начин што ви прикажува алтернативен приказ на страната отстранувајќи ја навигацијата, банерите и линковите. Кога ќе завршите со читањето, само треба да кликнете на стрелката за назад и да продолжите со нормалното пребарување на сајтот.
За подобро корисничко искуство, Clearly ви овозможува да си одберете тема за читање која ви одговара на вас…
Алатката е достапна засега само како екстензија на Chrome, но знаејќи ги Evernote, може да кажеме дека набрзо ќе биде достапна и за останатите прелистувачи.
