Rufus е одамна докажано софтверско решение кое ви дозволува на лесен начин да се справите со ISO форматите на слики за бројните оперативни системи, независно дали се работи за Windows, или Linux. Со Rufus можете да ги направите таквите слики бутабилни преку USB драјвови за да системот се покрене преку самото USB и ви дозволи да го форматирате хард дискот и да инсталирате свежа копија од оперативниот систем. Наспроти нашето објаснување, Rufus е исклучително едноставен програм, маскиран во само еден прозорец и со прости опции каде го одбирате USB драјвот, го избирате вашиот ISO фајл и кликнувате на Start за да целиот процес се комплетира.
Причината поради која повторно го споменуваме Rufus е фактот дека од неодамна, најновата верзија не е повеќе компатибилна нитиу со Windows XP, ниту со Windows Vista, а и се одликува со нов интерфејс кој е осмислен да го следи „протокот на корисничките операции“. Дополнително, најновата 3.1 верзија исправа бројни проблеми и ја подобрува поддршката за одредени ISO формати.
Преземете ја најновата верзија тука!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
