Производителот на електроника, Broadcom во зделка вредна 19 милијарди долари го купува производителот на софтвер CA Technologies. Договорот претставува мало изненадување со оглед на тоа дека е прва софтверска компанија која Broadcom ја купува.
„Оваа трансакција претставува важен дел, додека создаваме една од водечките компании за инфраструктурни технологии во светот “, објаснува извршниот директор на Broadcom и претседателот Хок Тан. „Со својата огромна база на клиенти, CA Technologies е со единствена положба низ растечкиот и фрагментиран пазар на инфраструктурен софтвер. Нивниот мејнфрејм и компаниски софтверски решенија ќе го прошират нашето портфолио. Имаме намера да продолжиме да ги зајакнуваме овие франшизи за да одговориме на зголемената побарувачка за инфраструктурни софтверски решенија. “
CA развива алатки за менаџирање на системи, анти-вируси, безбедност, ID менаџирање, мониторирање на перформанси на апликации, девопс и автоматизација и слично. CA се толку различни од Broadcom што целата зделка е чудна, пишува Register. Сепак со купувањето на голема и етаблирана компанија Broadcom ќе добие значително присуство на и портфолио на услуги на еден пазар на кој досега не беа присутни.
Неодамна Broadcom се обиде да го купи и Qualcomm за 117 милијарди долари. Оваа зделка беше блокирана од администрацијата на претседателот Трамп, бидејќи беше оценета како опасност за стратешките интереси на САД.
