Холивудскиот актер Брус Вилис ќе ги тужи Apple бидејќи не му дозволуваат да ја остави својата iTunes музика во наследство на своите ќерки, пишува Daily Mail. Според правилата на Apple, музиката е позајмена, и не е сопственост која може да се префрли на други. Доколку Apple oткрие дека некој ја предал музиката на друг корисник, го „замрзнува“ iTunes профилот и го блокира трансферот на iOS уредите.
На актерот на култниот Умри мaшки, кој е страствен фан на блузот, не му се допаѓа што музиката на која потрошил илјадници долари е само „позајмена“ под лиценца. Како и сите корисници, тој не ги прочитал целосно Правилата за користење на iTunes, и затоа се изненадил од „позајмувањето“.
Доколку успее да победи на суд, што во моментов е само хипотетичка ситуација, Брус Вилис ќе ги промени правилата и, како во Умри мушки, Армагедон и бројните други филмови, ќе се избори за доброто на милионите iTunes корисници.
[youtube]99A2KqvfBLI[/youtube]
