Британската армија има специјална Facebook единица чии членови ќе имаат вештини за психолошки операции и користење на друштвените мрежи, јави Guardian. Новата единца ќе биде стационирана во Хермитаж и ќе биде позната како „77-ма бригада“. Официјално единицата ќе започне да дејствува во април, кога ќе започне и регрутирањето во единицата. Според првите информации до кои стигна Guardian, регрутите треба да имаат вештини во новинарство, како и познавање на друштвените мрежи.
Единицата ќе биде и дел од НАТО силите, кој имаат проблем кога станува збор за „презентацијата“ на своите дејства во региони како Авганистан или териториите под контрола на Исламска држава, но и за борба против акциите на друштвените мрежи на екстремистите.
„77-та бригада е креирана за да собере заедно и да развие постоечки и да развие нови способности, кои ќе бидат од суштинско значење при справување со предизвиците.“, вели портпаролот на британската армија.
Единицата е креирана по пример на слична единица која постои во Израелската армија и успешно се бори на над 30 платформи, помеѓу кои Facebook, Twitter, YouTube, Instagram и куп други. „Единицата ни овозможува комуникација со публика до која вообичаено немаме пристап“, вели портпаролот на Израелската армија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
