Некогаш гигантот, а сега заборавениот производител, BlackBerry подели тужби за Facebook и сите компании кои се под друштвената мрежа, јави Reuters.
Тужби покрај главната компанија добија и WhatsApp и Instagram. Компанијата ја обвинува друштвената мрежа за нарушување на интелектуалната сопственост.
„Имаме основано тврдење дека Facebook ја наруши нашата интелектуална сопственост. По неколку години дијалог, имаме обврска кон акционерите да побараме правна разрешница“, велат од BlackBerry.
Причина за тужбата се сервисите за пораки на Facebook за кои BlackBerry тврди дека користат нивни патенти.
Компанијата тврди дека голем дел од функционалностите за нотификации на различни платформи сe базирани на нивна технологија. Пример, можноста Instagram stories да бидат прикажани на Facebook е една од овие функционалности, пренесе CNBC.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
