Сè уште не се знае кога точно ќе се појави Instagram за Android, но се чини дека датумот е се поблиску. На сајтот на популарната апликација за споделување на фотографии, која во моментов е ексклузивна за iPhone, се појави страна кога ја најавува Android верзијата.
Преку страната сите заинтересирани Android корисници ќе можат да се регистрираат и да добијат имејл, најверојатно со линк до Google Play (претходно Android Market), кога апликацијата ќе биде спремна за симнување.
Аndroid верзијата сигурно ќе ја зголеми популарноста на сервисот кој има над 27 милиони iOS корисници. Според директорот на Instagram, Кевин Систром, Android корисниците ќе користат „на некој начин подобра од iPhone“ aпликација.
