Кога купувате од најразлични продавници од светот, цените кои обично се сервираат се во нивната прифатлива валута, која обично е или долари, или фунти, или евра. Но, што доколку не сакате постојано да се мачите со конвертирање на нивните валути?
Одредени екстензии автоматски ги конвертираат валутите во онаа валута која вас највеќе ви одговара. Процесот со Chrome Currency Converter е автоматски, брз и безболен и, доколку сакате, можете да наместите сите цени, независно од нивната стандардна валута, автоматски да бидат конвертирани и прикажани во денари. Поддржани се над 160 валути од целиот свет, а за подобар увид, можете да наместите да стои и оригиналната цена (таквото нешто се прикажува во загради, веднаш до конвертираната валута). Па така, за игра која чини 10 долари информацијата ја добивате во следниот формат: Price: 556.72 MKD ($10).
Currency Converter е за Chrome и можете да ја преземете од тука. Во случај да барате слична алтернатива за вашиот Firefox прелистувач, можете да ја проверите екстензијата Direct Currency Converter.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
