Microsoft на почеток на годината најави дека треба да очекуваме повеќе нови уреди за проширена реалност од нивните партнери. За разлика од HoloLens уредот, кој е прескап, уредите на партнерите требаше да бидат поевтина алтернатива.
Тоа секако и е случај со Lenovo и Dell, но уредот од Asus доаѓа за 450 евра. Со оваа цена уредот е поевтин од HoloLens, но е блиску до Oculus Rift. Сепак за разлика од Dell, уредот на Asus доаѓа со контролерите.
Сепак, најголема предност на Asus пред досега претставените уреди од партнерите на Microsoft е можноста за играње на SteamVR наслови. Поважно, уредот може и да се користи во повеќе цели, како за обуки и пракса, така и за зголемена продуктивност.
Хардвер
Очилата од Asus доаѓаат со два екрана, секој со резолуција 1.440 х 1.440 и рефреш 90Hz. За следење на положбата уредот доаѓа со две камери. Дополнително, во цената се пресметани и двата контролери од Microsoft.
