Faraday Future и нивниот кинески партнер LeEco ќе добијат неочекувана поддршка од британскиот производител на елитни возила Aston Martin. Компаниите заедно ќе соработуваат на новотo електрично возило на Aston Martin, RapidE. Од Aston Martin не ја исклучуваат можност за соработка со Faraday Future и на други автомобили.
Двете компании се релативно мали во споредба со конкуренцијата која работи на развој електрични автомобили. Nissan, Ford па дури и Tesla имаат далеку поголеми производни капацитети, констатира BBC. Можеби најголемиот проблем на Faraday е недостатокот на возило. Иако компанијата презентираше концепт на CES, барем засега тој автомобил е само концепт.
Сепак, со Aston Martin Faraday има неочекувана поддршка од голем и познат производител кој ќе може да им помогне да го пуштат во продажба својот прв автомобил за брзо време. Според најавите, RapidE ќе биде достапен пред крајот на 2018 година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
