Компанијата која пред еден месец најави дека ќе биде конкуренција на Tesla Motors, Faraday, го претстави својот прв концепт-автомобил, Faraday Future ZERO1. Интересно е што вестите дека инвестицијата доаѓа од кинескиот милијардер Џиа Јуетинг се потполно точни. Но, финансиите овој пат не се центарот на приказната, туку прекрасниот Faraday Future FFZERO1.
Автомобилот доаѓа со 1.000 коњски сили, забрзување од 0 до 100 километри на час за помалку од 3 секунди и максимална брзина од 320 км/ч. Барем од она што можеме да го видиме, станува збор за ексклузивен и футуристички автомобил и по дизајнот. Иако од компанијата најавува ограничени серии, автомобилот кој ќе доаѓа од фабриката во Невада ќе биде изработуван модуларно, па купувачите ќе можат да одберат од неколку различни модели. Во зависност од вградените компоненти автомобилот може има помоќен мотор или поголеми батерии. Компанија најавува дека концепт-возилото ќе доаѓа со полна опрема: четири мотори, што всушност е набилдана верзија на автомобилот. Од Faraday најавуваат дека и батериите слично како и кај Tesla ќе бидат креирани од компанијата.
Сепак станува збор единствено за теорија, бидејќи автомобилот е далеку од реализација, па ниту Tesla нема причина за премногу паника. Илон Маск, основачот на Tesla ја поздравува конкуренцијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
