Gmailify е нов сервис од Google кој овозможува корисниците на Yahoo и Outlook да го користат најдоброто од Gmail. Корисниците на другите сервиси ќе можат да користат опции како спам заштита, организација на inbox и интеграција со Google Now, без притоа да ја менуваат платформата. Опцијата ги спојува профилите со Gmail и овозможува користење на предностите кои ги нуди овој сервис.
Ако користете друг имејл сервис, треба да ја споите адресата со Gmail, а понатаму е автоматизиран процес. Поштата се филтрира и подредува преку Gmailify, а податоците се достапни и на Google Now. „Сѐ што треба е да ја отворите Gmail апликацијата да го внесете вашиот мејл и да го вклучите Gmailify. Контролата останува во рацете на корисниците, кои доколку се премислат можат да го избришат профилот било кога и да продолжат да ја користат Gmail апликацијата и без Gmailify“, вели Google.
Засега функционалноста е достапна единствено за Outlook и Yahoo, но од Google велат дека работат на додавање на Gmailify за повеќе имејл сервиси во иднина.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
