Оваа година веќе можевме да видиме прототип на лебдечки скејтборд, но на само една недела пред Нова Година можеби го добивме подарокот порано. ArcaBoard е лебдечко превозно средство, што функционира со помош на куп вентилатори (36 вкупно) кои креираат доволен потисок. Вакви возила постоеjа и претходно, но беа прототип на Армијата на САД, а клучно беше што се многу многу скапи. ArcaBoard не е премногу далеку со цената од војните прототипи, чини 20.000 долари и лета само 6 минути, па можеби е подобро да го замислиме како уште еден доказ за концепт, наместо како реално достапен летечки скејтборд.
Компанијата зад превозното средство е сериозна и најавува дека првите испораки ќе започнат на 15 април следната година. Купувачите ќе имаат можност да се повозат 6 минути со максимална брзина од 20 km/h и потоа да чекаат 35 минути за полнење на батериите за следните 6 минути забава. Со исклучок на последниот уред, станува збор за наградувана компанија која произведува ракети и беспилотни летала, а го тестираа и падобранот за ExoMars со кој во 2016 година ќе слета вселенскиот брод кој ќе биде во мисија на Марс.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
