Шпанскиот производител BQ започна со промоција на подолго најавуваниот Ubuntu хибрид. Aquaris M10 е таблет кој може да се користи и како десктоп доколку се поврзе со монитор.
Без монитор, Aquarius M10 има 10,1 инчен екран со 800х1280 резолуција, што е сосем доволно доколку се поврзе со глувче и тастатура да се користи како лаптоп. Процесорот е четири јадрен MediaTek МТ8163А на 1,5 GHz, а батеријата на уредот е 7280 mAh. Има и 2GB RAM; звучници; две камери oд 5MP и 2MP; и 16GB слободен простор со можност за проширување со 64 GB microSD картичка.
Иако Aquaris M10 доаѓа во период кога продажбата на компјутери е во најлоша ситуација во последниве неколку години, од BQ се надеваат дека ќе успеаат да се замешаат во Windows/OS X борбата. Најголема предност на таблетот е можноста за промена од таблет во лаптоп, во декстоп. Оперативниот систем е потполно идентичен со десктоп верзијата на Ubuntu. Aquaris чини 230 евра и веќе е достапен за пордажба во Европа, остатокот од светот можеби ќе треба да почека со оглед на тоа дека BQ сепак е помал производител.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
