Благодарение на рекордните продажби, 5 милиони Mac компјутери и 15 милиони iPad-и во четвртиот квартал на 2011-та година, Apple сега е најголемиот продавач на PC-ја во светот, вели фирмата за анализа Canalys. Аpple сега има најголем удел од 17 отсто на PC пазарот, пред HP кој има 12,6 отсто.
Вкупно, пишува фирмата, во четвртиот квартал глобално се продадени околу 120 милиони персонални компјутери, односно десктоп компјутери, лаптопи, ноутбукови и таблет компјутери. Ова е пораст од 16 отсто споредено со минатата година. Но, ако се исклучат таблет компјутерите, тогаш пазарот би забележал пад од 0,4 отсто.
Може да се каже дека таблет компјутерите не треба да бидат вклучени во PC пазарот, но Canalys вели дека „таблет компјутерите не се само за конзумација, туку луѓето прават многу повеќе со нив. Бројот на апликации е зголемен и тие се повеќе се користат како бизнис алатки“.
Таблет компјутерите, или „падовите“ како што ги нарекува фирмата, може да бидат клучен фактор на PC пазарот во наредните 5 години и да го вклучат Amazon меѓу најголемите пет продавачи, бидејќи нивниот Kindle е еден од најпродаваните такви уреди.
Само Lenovo, од другите пет најголеми продавачи на хардвер, успеа да грабне поголем дел од пазарот. Acer, Dell и HP забележале помали продажби. Според аналитичарите, можно е новите и помоќни ултратенки лаптопи да го зголемат интересот на корисниците. Но, тука се очекува од Intel да претстави нови подобри процесори.
Дополнително, Microsoft со својот Windows 8 би требало да одигра важна улога на пазарот кој што очигледно започнува да зависи од таблет компјутерите. Новиот редизајниран oперативен систем ќе биде оптимизиран за таблет компјутерите и би требало да понуди конкурентно-на-iPad корисничко искуство.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Мек доналс е најголем произведител на комјутери, ако ги броиме и Big mac. Врска нема ова не ги силете фановите на апел
Hahahaha, od koga pochna Apple da proizveduva "PC-ja"????? Da beshe nekoj zabaven portal ajde da mu prostime ama IT.com.mk treba da znae koja e razlikata pomegju Mac i PC
Mac e персонален компјутер. Тоа што Apple се труди да го направи нешто посебно е само маркетиншки трик. http://en.wikipedia.org/wiki/Personal_computer