Како што се очекуваше, Apple испрати официјални покани за настанот „Да зборуваме за iPhone” закажан за 4-ти октомври. Настанот ќе биде воден од новиот извршен директор Тим Кук, кој неодамна го замени Стив Џобс и кој ќе го има првиот настап како презентер на Apple производи. Знаејќи го шармот на Стив Џобс, г. Кук ќе мора да се потруди да импресионира.
Тоа што може да се очекува од новиот iPhone е 8 мегапиксели камера, 1 GB RAM, алуминиумска рамка, поголем екран и број други подобрувања, вклучувајќи ги и новините на новиот мобилен оперативен систем iOS 5.
Се споменува дека ќе биде претставена и нова опција за препознавање на говор Assistant. Според 9to5Mac, Assistаnt oсвен што ќе служи за кажување на команди на телефонот со цел да се извршат одредени акции или да се стартуваат апликации, ќе се користи и за пишување на SMS.
Исто така се шпекулира дека на настанот ќе биде претставена и поефтина верзија на iPhone, иако ова е малку тешко за верување бидејќи, и покрај таинственоста на Apple, до сега немаше конкретни извештаи дека се подготвува таков телефон.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Aman vekje od nepismeni samoproglaseni novinari !!!
Bas sakam da vidam kako se
"да се извршат одредени опции"
ili "стартуваат информации"
Dali ste svesni kakva teska glupost imate napisano?