Samsung бара од холандски суд да им забрани на Apple да ги продаваат своите iPhone паметни телефони и iPad таблет компјутерите во Холандија. Според Guardian, Samsung својата тужба ја базира на тоа дека американската компанија не ја плаќа лиценцата за да ја користи 3G мобилната технологија.
Samsung во судот во Хаг има поднесено четири тужби против Apple за прекршување на патенти, и има побарано од судот додека траат судските случаи да забрани да се продаваат мобилните уреди на Apple кои ја користат 3G технологијата на корејската компанија. Под ова барање најверојатно ќе влезе и новиот iPhone5. Конечниот одговор на судот дали ќе ја забрани продажбата на iPhone и iPad ќе се знае на 14 октомври. Четирите посебни тужби ќе траат до 17 ноември.
Двата технолошки гиганта се вклучени во повеќе од 20 тужби низ целиот свет. Овој потег на Samsung е само дел од одбраната против големиот број на тужби кои Apple ги има покренато против нив. Корејската компанија претходно се закани дека ќе бара да се забрани продажбата на новиот iPhone во Јужна Кореја. Apple веќе успеа да ја забрани продажбата на дел од производите на Samsung во Холандија, Германија, и некои други држави, а поради тужбите успеа да го одложи и продажбата на таблет компјутерот Galaxy Tab 10.1 во Австралија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
