По претставување на веб-базираниот Marketplace, Мicrosoft ja стартува и долго најавуваната Mangо (7.5) верзија на Windows Phone 7 која со себе донесува 500 подобрувања на мобилниот оперативен систем.
Microsoft вели дека Мango ќе биде достапен за 98 отсто од Windows Phone корисниците поостепено ширум светот, зависно од операторите и моделите на телефоните. Кога надоградбата ќе биде достапна за нив, корисниците ќе добијат порака на телефонот дека треба да ја инсталираат.
Windows Phone 7.5 или Mango има мултитаскинг на апликации, подобрена интеграција со друштвените мрежи и комуникација, Twitter и LinkedIn интеграција во People менито, има Facebook чет и Windows Messenger интеграција, има групи за организирање на контактите и пријателите, поддршка за Facebook Places, поврзување на имејл профили, Bing Vision опција за читање на баркодови, QR кодови и постери, гласовна поддршка за Bing Maps, подобрен Skydrive и Office 365, нов Marketplace за апликации, Internet Explorer 9… и уште многу други подобрувања, се со цел Windows Phone 7 да стане конкурентен мобилен оперативен систем на Android и iOS.
Покрај ова надградување на веќе постоечките уреди, се очекува и наскоро и Nokia, која е во соработка со Microsoft, да ги објави и првите Mango телефони.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
