Apple отстрани добар дел од здравствените функции кои ги има Apple Watch бидејќи биле неуспешен експеримент, јави 9to5mac. Дел од овие функции нудеа можност за мерење на нивото на стрес и мерење на крвен притисок се покажале како недоволно прецизни и недоверливи. Според изворите на порталот, тимот зад Apple Watch сега се наоѓа пред предизвик како да го направи часовникот поинтересен за корисниците.
Неодамна американската FDA најави дека планира регулирање на паметните уреди кои ветуваат подобро здравје за корисниците, односно ги стави во истата класа како и медицинските помагала и лековите. Ова практично би значело регулација на Apple Watch и казнување на Apple, па дури и евентуално повлекување на часовникот доколку не ги исполнува условите кои ги бара од нив FDA. Компанијата не исклучува можност да ги врати овие опции во подоцнежните верзии на часовникот, но барем за сега нема најава за ова.
Сепак, ова не го спречи Apple да нарача околу 5 милиони часовници за првата серија на Apple Watch, јави Wall Street Journal. Часовниците ќе чинат од 350 долари до 4.000 долари колку што ќе чини златната верзија на часовникот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
