Ridicolo e апликација за дигитален маскембал. Стартувана од македонското студио Web Factory како апликација за Ноќта на вештерките, со Ridicolo корисниците можат да креираат смешни лични фотографии со додавање на цртани FX елементи. Според Web Factory, Ridicolo за iOS е пример за како да се „користат техничките можности на паметните телефони за забавно искуство“.
Благодарение на технологијата за препознавање на лице, со апликцијата може да си додадете на пример лажни мустаќи, луле, тетоважи, рогови или каубојски шешир на ваша фотографија. FX ефектите се прикажуваат уште пред да ја направите фотографијата, па ќе може да ги наместите соодветно. Ridicolo и некои основни ефекти се бесплатни, но за да ги отклучите сите ќе треба да платите 2 долари, или може да добиете бесплатен пакет ако ги поканите пријателите.
