Internet Speed Master е алатка за вашиот Android паметен телефон кој со мало гланцање на системските датотеки ќе ја подобри брзината на вашата Wi-Fi, 3G или 4G врска. Зeмајќи ги во предвид промените кои ги прави ISM, крајниот резултат зависи и од тоа кој ROM го користите, базните станици и моделот на уредот. Инаку, апликацијата работи на рутирани и нерутирани Android уреди, со тоа што има неколку ограничувања.
Откако ќе ја стартувате апликацијата на вашиот рутиран Android уред, ќе бидете прашани да и дозволите да ги користи Superuser правата. Самата апликација е едноставна за користење со само неколку копчиња кои имаат задача да ја подобрат вашата врска. Покрај можноста за правење на промени, ISM овозможува и враќање на стандардните поставувања. Додека рутираните уреди имаат пристап до сите опции, нерутираните имаат пристап само до копчето за подобрување на интернет врската.
Internet Speed Master можете бесплатно да ја преземете од Google Play.
