Daily Income е iPhone апликација за следење на вашата дневна заработувачка, а изработена е од хрватската компанија Indigo Beta. Според објаснувањето, апликацијата е наменета за сите што имаат „примања на дневна база, како на пример што се фриленсерите, разни развивачи, Google огласи и сл.“.
Уште од самиот старт на истата, корисникот ќе добие краток туторијал за како се управува со неа, но тоа баш и не е потребно. Апликацијата е едносавна за користење и сè се постигнува со неколку тапкања по екран. Сè што треба да направите е да кликнете на „Add New Income“ и да ја внесете вредноста, додека датумот ќе биде автоматски генериран. Со неа ќе можете да ги следите вашите примања на дневно, месечно ниво или на година. Исто така, со помош на графикон можете да видите кога сте имале најмала и најголема заработувачка, или која ви е средната заработувачка. Финансискиот извештај можете да си го испратите како обичен мејл или во PDF формат.
Апликацијата е пуштена на пазарот од пред два месеци по цена од 1,99 долари, а веќе е преземена повеќе од 12.000 пати. Daily Income беше најпреземена апликација во Хрватска, во САД се најде на 36-то место, а во Велика Британија на 58.
Over the past weekend, our app Daily Income was free @appstore and the result is 12000 new happy users!
— Indigo Beta (@indigobetaapps) September 17, 2012
Апликацијата можете да ја преземете од App Store, додека Android верзија за истата се очекува доколку Indigo Beta го прошири својот тим со развивач на Android апликации.
[youtube]K6JGq9ml7hY[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
