Загребскиот стартап iStudio работи на нова верзија на MediaToolkit алатката која овојпат ќе треба да биде вистински чекор напред кон стартување на стартап. МediaToolkit е алатка која наоѓа локални содржини кои имаат потенцијал да генерираат интерес на друштвените мрежи.
Не е бесплатна, но пред се е наменета за уредници, новинари, брендовите и блогерите кои сакаат да привлечат публика. Актуелноста на содржините е одредена според бројот на споделувања на друштвените мрежи, поточно во првата верзија само од Facebook, но наскоро пристига и Twitter.
Според Филип Топол од iStudio во верзијата 2.0 ќе се овозможи прикажување на повеќе содржини до корисниците.
„Проблемот со старата верзија е што ја направивме од љубопитност и никој не очекуваше дека алатката ќе предизвика толкав интерес. Сега на почетокот започнавме со идеја за глобална комерцијализација, па и системот е така замислен.“, вели г.Топал во интервју за Netokracija.
MediaToolkit е едноставна за користење. По избор на категории кои ве интересираат, ја додавате вашата веб страна, но и страните на медиумите кои ги следите. Ограничување е дека неможе да следите агрегатори и страни кои имаат доверлива содржина. По направениот избор алатката ви прикажува кои статии и содржини имале наголем број споделувања од читателите со што би требало и да се одреди актуелноста на темата.
Во иднина iStudio ќе се посвети на продажба на алатката која е забавена во исчекување на верзијата 2.0. Компанијата се надева на одлични резултати до крајот на годината.
