Knock е уникатна iOS апликација за корисниците на кои им е здодеано постојано да внесуваат лозинки за да се логираат на својот Mac. Наместо куцање на текст, компјутерот се отклучува со чукнување два пати на iPhone. Мобилната апликација е поврзана со компјутерот преку Bluetooth Low-energy, но ќе мора да е активна постојано на вашиот iPhone во позадина за да може да го детектира Mac компјутерот. Поради Bluetooth технологијата, Knock е достапен само за iPhone 4S+, и за поновите Mac компјутери од 2011 година па наваму. Користи RSA енкрипција за безбедност на лозинката, и прикажува нотификации секогаш кога ќе се доближи корисникот до компјутерот.
Aпликацијата прво била замислена да го отклучува Mac компјутерот кога корисникот ќе се доближи до него, пишува TechCrunch, но Вилијам Хендерсон и Џон Шлосберг, програмери кои работеле во Square, откриле дека корисниците сакаат да чујат звук дека се извршува некоја акција, односно звук кој им дава чувство дека се во контрола на своите заклучени уреди. Стартапот има во план да ја претвори оваа уникатна мобилна апликација во алатка за логирање на сајтови преку прелистувач, па дури и да развијат интернет-на-нештата сервис за отклучување на врати по домовите. Но, за сега идејата е достапа само на iOS за 4 долари за мобилна апликација, додека Mac клиентот е бесплатен.
[youtube]CyX8FfSKg04[/youtube]
