Any.do Cal сега ќе ви го замени календарот и на Android

Има куп апликации за календари, но Cal на Any.do, достапна за iOS уште од летово, е можеби најуникатниот мобилен календар кој ќе ви понуди едноставен, но корисен интерфејс, и артистички позадини. Бесплатниот Cal е поврзан со Any.do, to-do апликацијата, што значи дека сите обврски кои сте ги додадале ќе ви бидат излистани во календарот, заедно со поврзаните Facebook настани, Google Calendar, родендени и сите други обележани датуми. Кога ќе си додадете ваш датум, тоа го правите едноставно со додавање на ден, кратко објаснување, локација, а има и потсетници кои ќе ве потсетат за обврските или состаноците. Тоа што е проблем со iOS верзијата е што мора да го исклучите оригиналниот iOS календар за да не ве спамираат две апликации со исти пораки, и најверојатно истото тоа ќе мора да го направите и на Android.