Австралискиот оператор Telstra во Мелбурн отвори ексклузивна продавница за Android уреди, која тие тврдат дека е прва од ваков вид во светот.
Во соработка со Google и неколкуте производители на уреди за Android (HTC, Motorola, LG, Samsung и Sony Ericsson) оваа продавница ќе понуди секаков вид уреди и опрема за Android и совети и инструкции од обучени лица за како корисниците во целост да ги користат опциите на овој мобилен оперативен систем.
Во продавницата за да се зголеми интерактивноста има изложено и уреди поврзани со Google Earth како и сервиси преку кои корисниците ќе можат да си направат своја лична Android верзија.
