Уште од септември Android Маркет имал 500.000 апликации кои биле пријавени, додека само 315.000 биле пуштени за симнување, открива истражувачката фирма Research2guidance.
Пола милион апликации е фантастична бројка, но сепак Android Market е се уште зад App Store на Apple кој има над 600.000 апликации, од кои 456.000 се пуштени за симнување.
Што се однесува до квантитетот, сигурно е дека наскоро Android Market ќе го надмине App Store. Можеби уште и следниот месец. Но, што се однесува до квалитетот на достапните апликации, Android Market се уште не може да му конкурира на App Store.
Но, за Google е важно што планот функционира. Google намерно го отвори Android Market да биде единствениот пазар на апликации за кој не треба одобрување да се објави апликации, со цел да добие на квантитет и да привлече внимание. Можеби кога ќе има доволно продадени Android уреди, иако и сега е лидер на табелата по продажба, и кога ќе има доволно број апликации, можеби тогаш Google ќе започне да го „чисти“ пазарот и да го контролира објавувањето на апликации.
Според Research2guidance, дури 37 отсто од апликациите објавени во Android Market биле тргнати од најразлични причини, додека од App Store се тргнати само 24 отсто од објавените апликации.
Што се однесува до Marketplace на Мicrosoft, таа продавница има 35.000 апликации за новата Windows Phone 7 платформа.
(сликата е од Gustavo Pugliesi Sachs/Flickr)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
