Twitch ќе воведе виртуелна валута Stream+. Валутата ќе им овозможи на корисниците да ја користат во анкети или за обложување. Дополнително ќе може да се користи и за купување во игрите, јави BBC.
Stream+ ќе се заработува со гледање на содржини на Twitch, а прва игра која ќе ги користи е Breakaway на Amazon. Играта треба да биде пандан на Overwatch на Blizzard или на Team Fortress на Valve. Се чини дека игрите во кои ќе може да се користи валутата барем во прво време ќе доаѓаат од Amazon Game Studios.
Колку повеќе содржини гледа корисникот, толку повеќе виртуелна валута ќе заработи.
Иако и во самата најава за Stream+ се зборува за можноста за обложување, сè уште нема јасно објаснување како ќе функционира овој сегмент. Обложувањето не е секаде дозволено, а дел од игрите чии играчи се обложуваа се под зголемен надзор на законодавците. Неодамна Valve го забрани обложувањето во CS:GO со Steam профили. Компанијата во неколку онлајн обложувалници го забрани логирањето преку Steam профил.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
