Аmazon ќе дозволи купување преку Twitter со едноставно маркирање на продуктот со хаш-таг #AmazonCart во САД или #AmazonBasket во В. Британија. Идејата на најголемата веб продавница е да го поврзе Amazon профилите со Тwitter за да им овозможи на корисниците со едноставно коментирање на продукт да го додадат во својата кошничка за нарачка. Со хаш-тагот корисниците ќе добијат имејл и @одговор дека продуктот е додаден во виртуелната кошничка, но доколку сакаат да го купат и да платат за него, тоа не можат да го направат преку Twitter, туку ќе мора да ги посетат своите Amazon профили на веб.
Introducing #AmazonCart. Add it now. Buy it later. https://t.co/FmfLNqRqs6
— Amazon (@amazon) May 5, 2014
Хаш-тагот не е соработка помеѓу Amazon и Twitter, ниту има подлабока интеграција меѓу двата сервиси, забележува The Next Web, туку се работи само за паметно користење на комуникацијата на Twitter. Во Британија веќе има други два сервиси, Comcast и BSkyB, кои им дозволуваат на корисниците преку хаш-таг да снимаат и нарачуваат ТВ емисии.
[youtube]iAm6pa9hPKA[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
