Агенцијата за електронски комуникации претстави софтвер кој ќе ги собира сите податоци за подземните и надземните телекомуникациски водови и инфраструктури од сите оператори во Македонија. Софтверот за електронски регитар наскоро ќе биде достапен на веб страната на АЕК.
„Изработивме софтвер за електронски регистар за јавни телекомуникациски мрежи и инфраструктура бидејќи сметаме дека граѓаните на Македонија треба да добијат информации за подземните и надземните телекомуникациски водови, за слободните капацитети и целокупната инфраструктура“, вели директорот на АЕК, Роберт Орданоски.
Софтверот, кој наскоро ќе биде на веб страната на АЕК, ќе биде поврзан со останатите државни институции што ќе придонесе до полесен пристап до информации, и поголема заштита од оштетување на инфраструктурата при градежни работи.
АЕК собра информации од поголемите мобилни, фиксни и кабелски оператори, и во втора фаза ќе продолжи да собира податоци од помалите оператор.
Г. Орданоски вели дека по 2012 година ќе одат и со подрастични мерки за оние оператори кои нема да достават информации, како што сепрекршочни санкции и нивната мрежа нема да постои односно нема да биде заведена во регистарот.
Коментари
1 коментар
Коментарите се затворени.