Како дел од тековната посветеност на Google во охрабрувањето на жени и малцинства во вклучување во областите на компјутерско инженерство и технологија, Google ги објавува следните стипендии:
- Google Anita Borg Memorial Scholarship 2012: Europe, the Middle East and Africa;
- Google Europe Scholarship for Students with Disabilities;
Рокот за пријавување за двете стипендии е 01.02.2012 година. Добитниците на стипендии ќе добијат стипендии во износ од по 7.000 евра, а во јуни 2012 година сите стипендисти и финалисти ќе бидат поканети да посетат една од канцелариите на Google во Европа, на заедничка работилница. На работилницата ќе се одржуваат и предавања и доскусиони панели, како и голем број друштвени активности кои ќе им овозможат на финалистите да се запознаат и да разменат искуства. Повеќе информации за стипендиите и работилницата може да дознаете преку видеата објавени на оваа локација.
Стипендиите се наменети за студентки, како и студенти со посебни потреби, кои студираат компјутерски науки, компјутерско инженерство, информатика или слични технички области. Покрај тоа, кандидатите мора да имаат запишано семестар во учебната 2012/2013 година.
За дополнителни прашања, слободно обратете се до Џени МекКол (Jenny McColl) од Google University Programmes EMEA, на [email protected].
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
