Заедно со новите 14 апликации од својот Creative Suite 6, Adobe го претстави и Creative Cloud сервисот за кој ќе се плаќа претплата, а кој ќе служи за споделување и складирање на содржина креирана со апликациите кои, исто така, ќе можат да се симнат преку облакот.
Photoshop 6, новиот Illustrator, Dreamweaver, Flash Pro, Premiere Pro, AfterEffect ќе бидат достапни за купување во мај, и ќе ве чини околу 2.600 долари за целата колекција. Creative Cloud претплата е околу 50 долари месечно со пристап до сите апликации, што е значително поевтино, но токму тоа е и стратегијата на Adobe – да ги привлече корисниците да плаќаат претплата за попродуктивно користење на апликациите, и во исто време да се справи со пиратеријата.
Сите апликации доаѓаат со бројни новини и подобрувања, меѓу кои најатрактивна е алатката Content aware move за најпопуларниот софтвер во пакетот, Photoshop 6, која е свесна за содржината и може автоматски да ги поправи сликите.
Adobe вели дека апликациите сега ќе работат побрзо благодарение на Mercury Graphics Engine технологијата која го забрзува процесирањето на сликите со подобро искористување на графичките картички кои ги има на повеќето десктоп копмјутери.
[youtube]zEm9AzFxKT8[/youtube]