{mosimage}Adobe Systems Inc. го најави 23 Септември како датум кога официјално ќе биде објавен софтверскиот пакет Creative Suitе 4 од кој компанијата очекува голем профит. По јавното презентирање во Мај на одбрани апликации од пакетот, поточно Dreamweaver, Fireworks и Soundbooth, истите беа овозоможени за корисничко бета тестирање со валидност од 48 часа, освен за корисниците на CS3 кои можат да ги користат бета верзиите до официјалното издание.
Досегашниот пакет CS3 се продава во неколку варијанти (за графички дизајнери, за веб дизајнери, за луѓе во филмската индустрија) а во Master колекцијата ги содржи апликациите Photoshop, Illustrator, Flash, Acrobat и InDesign. За СS4 Master пакетот се очекува да биде збогатен со дополнителни апликации како Adobe Thermo, програм кој на дизајнерите на кориснички интерфејси ќе им овозможи ист начин на работа како во Adobe Flex.
Исто така Adobe вети дека ќе овозможи и 64-битна верзија на софтверот, но само за Windows оперативните системи, не и за Mac OS X.
Creative Suite 4 се очекува да донесе значителни подобрувања:
- прегледување на веб страна во Dreamweaver во интегриран прелистувач кој ги задоволува стандардите и преку кој ќе може директно да се менува изворниот код
- подобра компактибилност на Photoshop со останатите апликации
- подобрени опции за CSS дизајн
- можност за експортирање во PDF
- можност за прилагодување на содржините за мобилни телефони во Flash
- подобрена функционалност на Photoshop под Vista и многу други
На денот на објавувањето на CS4, Adobe планира да одржи и веб семинар (Европа 11:00 часот наутро, временска зона CET) каде што ќе ги презентира производите кои досега во процесот на создавање содржеа кодирани имиња "Stilleto" (Dreamweaver), "Ignite" (Fireworks), "Diesel" (Flash), "Astro" (Flash Player), "Stonehenge" (Photoshop) и др.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
