Ова е гостински пост на Моника Ризовска Таневска, амбасадор на Women in Tech Macedonia и ко-основач на Ways2Help.
AI алатките имаат трансформативна моќ бидејќи со помош на вештачката интелигенција можат значително да ја зголемат продуктивноста во секојдневните задачи.
Во денешно време, А(I)латките со вештачка интелигенција се најновата иновација што веќе прави голема револуција во работната средина. Трансформативната моќ на овие алатки лежи во способноста да го претворат потенцијалот на вештачката интелигенција во подобрување на продуктивноста на секојдневните задачи.
Изградени со напредна технологија, овие алатки не само што ги олеснуваат рутинските работни задачи, туку и го намалуваат потребниот човечки напор. Преку анализирање и учење од големи маси на информации и податоци, вештачката интелигенција се адаптира и нуди интелигентни решенија кои ја олеснуваат работата.
Овие алатки предвидуваат потреби, може да автоматизираат ваши тековни задачи и да понудат совети што ќе ви помогнат во продуктивноста. Од менаџирање на време и координација на задачи, до анализа на податоци и донесување на подобри одлуки, вештачката интелигенција претвора комплексни процеси во едноставни и ефикасни задачи и треба да се искористи во таа насока.
Со користење на овие иновативни А(I)латки, денес секој може да си ја олесни работата бидејќи добива силен сојузник во облик на интелигентен асистент што овозможува да можете да се фокусирате на стратегиски и креативни аспекти на вашите работни задачи. Ова несомнено ќе го зголеми потенцијалот за иновација и раст.
Се повеќе организации ги прифаќаат предностите на овие А(I)латки што води кон подобрување на работна продуктивност и зголемена ефикасност што го зголемува фокусот кон идни постратешки предизвици на компанијата со помош на овие дигитални алатки.
Неколку алатки кои веќе заземаа голем залет се:
ChatGPT е продукт на OpenAI кој обезбедува можност за интеракција со напреден систем за вештачка интелигенција базиран на GPT-3.5. Овој иновативен чет-бот е способен да разбере и генерира текст на природен јазик, обезбедувајќи голем спектар на можности, вклучувајќи одговори на прашања, креирање на содржина, помош при учење и уште многу повеќе со . ChatGPT може да води продуктивни и интересни разговори, правејќи го вреден инструмент како за индивидуалци, така и за бизнисот.
Како надополнување, ChatGPT поддржува “prompt engineering” или инжинеринг со инструкции. Ова помага да се креираат специфични и конкретни упатства или насоки за чет-ботот, за да се добие посакуваната информација. Преку овие инструкции и насоки, корисниците можат да контролираат стилот, тонот и содржината на одговорите на ChatGPT. Ова дава можност за поголема персонализација и прилагодување на чет-ботот според потребите и очекувањата. Од техничка страна, “prompt engineering” претставува и моќен начин за манипулирање со излезите од GPT-3.5 и овозможува уште поголема употребливост и релевантност на системот.
easy-peasy.ai е AI генератор на содржина кој ви помага вам и на вашиот тим да креирате оригинална содржина за 10 пати помалку време. Оваа иновативна алатка користи вештачка интелигенција за да овозможи лесно да генерирате различен вид на содржина, што значиелно може да го зголеми вашето време за продуктивност и фокус кон покреативни задачи.
Wordtune е иновативна алатка која помага во подобрување на структурата на речениците и текот на содржината. Оваа алатка нуди функционалности како препишување на реченици и пасуси, како и менување на тонот и стилот на пишувањето. Оваа платформа користи современи техники на вештачка интелигенција за да ги надгледува и предлага подобрувања на содржината, што значително го зголемува влијанието и ефектот на вашите текстови.
SURFERSEO е платформа која обезбедува анализа и оптимизирање на содржината на страниците. Оваа иновативна алатка овозможува анализа на различни аспекти на ваши текстови и содржини и дава насоки за оптимизација. Со користење на SURFERSEO, корисниците можат да ја подобрат видливоста на своите веб-страници и да ги подобрат перформансите на нивните содржини преку интелигентна анализа на податоците.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
