Hewlett-Packard го најави својот 3Д принтер со ветување дека ќе биде десет пати побрз од конкурентните принтери. Од компанијата велат дека засега оваа технологија сè уште зафаќа незначителен дел на пазарот, а за ова ги обвинуваат токму бавноста на конкурентите, но и релативно високата цена. Со новите принтери HP ќе се обиде да ги надмине токму овие проблеми.
[youtube]u0grzTE3m34[/youtube]
Заедно со 3Д принтерот, HP го најави и новиот персонален компјутер Sprout кој доаѓа со вградени скенер, проектор и тачпад и оперативен систем Windows 8. 3Д скенерот е прикачен на мониторот, а проекторот ќе ги презентира на „падот“ кој е преполн со сензори. Sprout ќе биде достапен во продавниците од 8 ноември, а во претпродажба од 30 октомври. Цената на компјутерот е 1.900 долари.
