Директорот на Apple, Тим Кук, јавно проговори дека е горд на својата хомосексуалност. Иако се знаеше за неговата сексуална определба, сепак г. Кук, кој застана на чело на една од највредните ИТ компании по смртта на Стив Џобс, за прв пат се изјасни пред целата јавност дека е горд што е геј и дека „тоа што сум геј е најдобриот подарок што Господ ми го дал“. Г. Кук во есеј за Bloomberg Businessweek рече дека „не сум активист за геј правата, но сфаќам дека имам бенефиции од жртвите на други“.
Г. Кук го отвори есејот пишувајќи дека сакал да го оддржи основното ниво на приватност, без да привлече внимание на себе, дури и во Apple, која е една од компаниите чиј секој потег е ставен под лупа. Но, напиша и дека му е смачено од криење и од омразата и нетрпеливоста. Предноста која ја има г. Кук е што работи во Apple, компанија која сака креативност и иновации, и каде се прифаќаат разликите меѓу луѓето.
„Ако откритието дека директорот на Apple е геј му помогне на некого кој се мачи да дојде до сознанието за кој е и што е, или да му даде поддршка на некој што се чувствува осамен, или да инспирира други за да се борат за еднаквост, тогаш вреди да направам замена со мојата лична приватност“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
