Доколку сте фанови на игри за екстракција како што се Dark and Darker и Escape from Tarkov, но барате фантазиско опкружување кое како да е произлезено од генијалниот ум на Толкин, би можеле да ја проверите играта на развојниот тим Notorious Studios. Сместена во светот на Митригард, штотуку излезената Legacy: Steel & Sorcery ги поканува играчите да истражуваат, да се борат со чудовишта и да собираат корисен плен.
Играчите можат да избираат од различни типови на оружје, вклучувајќи лакови, сечила и борбени секири.
Legacy: Steel & Sorcery им нуди на играчите избор на класи кои се директно инспирирани од фантазискиот серијал. Секоја од класите се одликува со уникатен стил на игра. Можете да се впуштите во инстанцираниот свет соло, да ги здружите силите со вашите пријатели или да најдете неочекувани сојузници. Notorious Studios ја опишуваат секоја сесија како искуство во отворен свет каде што може да се најде вреден плен, но и опасни противници, дали во форма на ВИ-управувани суштества или пак други играчи.
Играта содржи познати класи како што се Warrior и Rogue, со цел да ги привлече играчите од MMO и RPG жанровите кон жанрот со екстракција.
Студиото Notorious Studios, составено од ветерани од индустријата кои имаат искуство со наслови како World of Warcraft, нагласува PvP борба, собирање ресурси, истражување и кооперативна игра. Early Access ќе им овозможи на програмерите да собираат повратни информации од играчите и да ја рафинираат играта пред нејзиното целосно објавување. Се очекува играта да е во раниот пристап на Steam најмалку година дена.
Повеќе детали за играта
- Произведува: Notorious Studios
- Издава: Notorious Studios
- Жанр: extraction
- Платформа: Microsoft Windows
- Излезе на: 12 февруари 2025
