Конкуренција за Adobe: Canva го купува креаторот на Affinity за неколку стотици милиони долари

Популарната онлајн платформа за дизајн Canva ја купи британската компанија Serif. Со купувањето на компанијата Canva ќе стане уште посериозен конкурент на Adobe. Финансиските детали не се објавени, но процената е дека компанијата вреди повеќе стотици милиони долари. Оваа е и сумата која ја сподели соосновачот и директор за операции на Canva, Клиф Обрехт, во интервју за Wall Street Journal.

„Од продажба и маркетинг, до брендови и креативни тимови, потребата за создавање ефективна и привлечна визуелна содржина е во пораст.

Тимот на Affinity доаѓа со неверојатен талент и технологија и задоволство ни е да им посакуваме добредојде во Canva додека заедно влегуваме во нашата следна фаза.“, вели Обрехт на блогот на Canva.

Serif се креатори на Affinity софтверот. Пакетот слично како и софтверот на Canva e наменет за корисниците кои работат графички дизајн. Софтверот Affinity има потенцијал да биде конкуренција на алатките на Adobe, пред сѐ на Photoshop, Illustrator и inDesign. Најголема предност секако е цената која е значително пониска од конкуренцијата и непостоењето на никаква претплата.

Serif има околу 90 вработени, лоцирани во Нотингем, Велика Британија. Affinity започна, и долг период беше пакет за уредување слики, издаваштво и илустрации за macOS (тогаш OS X). Сепак, во 2016 година, Serif ја претстави Windows верзијата на Affinity, во почетокот само за Affinity Photo.

Ова  е најголемата аквизиција на Canva до сега. Вредноста на Canva е проценета на околу 26 милијарди долари, и се најголем австралиски стартап. Компанијата досега има купено повеќе европски компании помеѓу кои се Pexels и Pixabay.

Купувањето на Affinity за повеќе конкуренција за Adobe

Canva веројатно смета дека купувањето на Affinity било неопходно за компанијата да ги привлече и професионалните дизајнери.

Ја споделуваме визијата на Affinity дека префесионалните софтверски алатки за дизајн треба да бидат интутивни, достапни, брзи и да работат „мазно“. Со Affinity професионалците ќе имаат пристап до сите алатки кои им се потребни по пристапна цена и без комплексноста на традиционалните алатки за дизајн.

Canva со Affinity ќе понуди значително поевтин производ од Adobe. Цената на пакетот со трите алатки: Affinity Designer 2, Affinity Photo 2 и Affinity Publisher 2, кој вклучува верзии за Windows, macOS и iPadOS е 164 американски долари. Алатките на Adobe се достапни исклучиво преку претплата. За Photoshop, Illustrator и inDesign претплататa е 59,99 долари месечно.

Што се однесува до потенцијалната промена на цената, Canva веќе објави дека нема да има промени за Affinity во иднина.