Најди место за Android е нова македонска апликација која сугерира кафулиња, ресторани и дискотеки на 350 локации низ Скопје и другите градови во Македонија. Апликацијата, направена од Никола Калемџиевски, го користи API-то на Foursquаre за да генерира мапи, рејтинг и други информации за локалите, вклучувајќи и оставени коментари од другите корисници. За поедноставно сугерирање на локали има опција „Блиску до мене“ која ги прикажува најдобрите места во близина. Најди место има релативно едноставен дизајн, и според Никола, засега има доволно функционалности. Тоа што недостасува е англиска верзија која ќе им биде корисна на странците полесно да се снајдат.
„Има простор за вметнување на уште опции, но чекор по чекор. Планот ми е и да имам и англиска верзија, така што ќе биде многу корисна и за странци. Инаку сега за сега, не планирам да заработувам од апликацијата, барем не од корисниците. Евентуално може да се промовира некое од местата дополнитлно доколку сака”, вели Никола.
