Google ја објави Chrome Remote Desktop за Android; но не е достапна на македонскиот Google Play

Со Chrome Remote Desktop за Android, и наскоро за iOS, може да го контролирате декстоп компјутерот преку мобилен телефон, налик на ТeamViewr и другите слични апликации. Chrome Remote Desktop всушност е достапна веќе три години за контрола на десктоп преку друг десктоп, но сега за првпат е достапна и за мобилните платформи. За почеток треба да го имате инсталирано клиентот на вашиот декстоп кој сакате да го контролирате далечински. Таа апликација може да ја најдете на Chrome Web Store, и е достапна за PC, Mac, Linux и Chromium компјутерите. Идејата е само преку апликација да пристапите до сите фајлови на десктоп компјутерот, но ако сте во Македонија, и имате само пристап до официјалниот Google Play тогаш ќе треба да почекате апликацијата да биде објавена и за локалниот пазар.