Сега кралицата Раниа се вклучи и на Twitter @QueenRania. Таа го користи сервисот за микро-блогирање за да ја промовира својата кампања за квалитетно образование насекаде во светот. За неа интернетот е важен за образованието.
„Верувам дека ако сакаме нашите деца да го разберат светот надвор од училниците ние мораме да им го донесеме светот во нивните училници. И учителите се дел од равенката“ вели јорданската кралицата во интервју за Techcrunch.
Интересно е што таа покрај твитањето и коментирањето на Facebook за своите кампањи и цели (очигледно дека има и Facebook нели? :) ) таа постојано твита и за својот приватен живот и секојдневните активности.
Нејзините лични твитови можеби се небитни но имајте на ум дека таа е кралица. Денес, друштвените мрежи овозможија луѓето да комуницираат со тие кои се скоро недостапни. Кога воопшто ќе можете да се сретнете со една кралица и да си размените некој збор? Или пак да прочитате како си поминала со папата Бенедикт на гости? :)
Поентата ми е – ако можеме да зборуваме со кралици зошто да не комуницираме и со политичарите, зошто да не добиеме известување за важни хуманитарни настани, зошто да не се вклучиме и ние – обичните луѓе?
„За кого твитам? За секој кој сака да научи нешто ново и да помогне да направиме разлика“ вели кралицата Раниа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Види Вака 
