Еден од најголемите пиратски сајтови овие денови наполни 10 години, што е неверојатно достигнување ако се земе обзир дека до сега поминаа низ стотина судови за прекршување на авторски права, а неговите основачи уште пред две години беа осудени на затвор и оштета вредна милиони долари.
Во текот на овој викенд, The Pirate Bay го објави и својот пиратски прелистувач, наречен PirateBrowser. PirateBrowser е модифицирана верзија на Firefox прелистувачот кој е дополнет со Tor и неколку прокси конфигурации со што успешно би се избегнала цензурата и блокадата на интернет провајдерите. Изгледот не се разликува по ништо од Firefox, а содржи и однапред дефинирани букмаркирани сајтови со слична тематика.
Според TPB, овој прелистувач е почетокот на борбата против цензурата на интернетот, а во блиска иднина планираат да објават и прелистувач кој е ориентиран кон BitTorrent протоколот.
