Пред точно една година Брајан Фарго и inXile entertainment побараа 900.000 долари од фановите на играта Wasteland за да го изработат нејзиното продолжение. Фановите одговорија и донираа 2,9 милиони долари, што го охрабрија познатиот дизајнер на игри повторно да побара помош преку Kickstarter.
Г. Фарго овојпат побара краудфондинг помош за римејк на уште една легендарна игра Planescape:Torment. Играта е неколку пати е прогласена за најдобра RPG, а фановите секојпат ги фалат сторијата, дијалогот, но и неверојатната атмосфера и локациите. Во овој проект ќе може да се префрлат сите дизајнери од Wasteland 2 кои веќе ја завршиле својата работа таму, наместо да бидат отпуштени како што е тоа пракса во поголемите студија, тие веднаш ќе ја започнат работата на новата игра.
[youtube]R9hQWqtxXPU[/youtube]
[youtube]GPS76ikle_g[/youtube]
Ваквиот успех на Бриајан Фарго го поставува прашањето дали е можно во иднина дел од етаблираните студија кои развиваат видео игри целосно да се финансираат преку „crowdfunding“, а со тоа и целосно да ги прескокнат издавачите. Тешко е веројатно дека новите инди игри би можеле да се финансираат на овој начин, но не постои причина ова да не се оствари за веќе познатите студија и развивачи кои се познати по некои свои наслови. Засега на г.Фарго му оди со Kickstarter проектите, доколку успее да го изведе истиот потфат со игра која нема да биде следбеник на легендарен наслов, „crowdfunding“ и официјaлно ќе биде остварлив избор за финанирање на игрите.
[youtube]mgqX82-HRYE[/youtube]
