И вработените во Холивуд симнуваат пиратска содржина

Да, добро прочитавте. Забележано е како вработените во холивудските студија нелегално преземаат филмови од нивните конкуренти и тоа преку BitTorrent. Студијата како Warner Bros., Disney, Paramout Pictures и др. иако бележат загуби, сепак нивните вработени симнуваат филмови и игри од торенти.

TorrentFreak направи истражување со компанијата Scaneye и забележа дека голем број на пронајдените IP адреси се регистрирани од страна на големите холивудски студија кои редовно презимаат филмови, игри, па и порнографија.

Од фотографиите кои ги објавија од TorrentFreak, може да се види како студијата ја преземаат содржината од конкурентите, и да не се повторуваме, но – нелегално. Од информациите собрани од Paramount Pictures, може да се види дека тие го имаат преземено Happy Feet кој е во сопственост на Warner Bros. Додека пак вработените во Warner Bros покажале добра заинтересираност за порнографска содржина.